Ich bin e Yettie, das heisst eigentlich bin ich ja scho über 50gi und dementsprächend chan ich gar e kei Yettie meh sii.
Darum bin ich eher en Oettie als en Yettie ..... nun, wer hofft, bleibt jung.
Eigentlich han ich emal en Handelsschuel gmacht und han nachher öppe es Jahr als Kaufmännische Aagstellte gschaffet, aber das isch mer eifach zwenig interessant gsy. Drum han ich dänn im 1984 in d'Informatik gwächslet, won ich mich bald mit IBM PC beschäftigt han. Spöter isch dänn d'Vernetzig vo PC aktuell worde und ich bin mich ga wiiterbilde im Novell NetWare Umfäld. Aber gly isch au s'Internet cho und ich han glernt wie mer Websiite mit HTML baschtlet und mit CSS schmückt. Well ich uf alles gwundrig worde bin, han ich z'erscht en Windows98 PC mit emene Personal Webserver ufbaut und spöter dänn bini uf UNIX Derivate umgstiege. Das isch viel robuschter gsi als das Windows Züügs und ich bin hütt viel meh vo Open Source als vo tüürer Software begeischteret. Darum han ich au aagfange mit PHP programmiere. Eigentlich logisch, de Wäg ... oder ?